喘不過氣來

係工作同學業既壓力下(其實懶惰都係好主要原因....hai....), 好耐都冇update, 自己都覺得有點可惜同無奈, 越黎越覺得又返工又讀書既生活真係令我有喘不過氣來既感覺, 但係既然已經唔可以返轉頭, 唯有頂硬上啦......

今天與research supervisor見了面, 發覺時間已經冇多, 所有嘢都要開turbo la, 希望可以快啲順順利利聯絡到中學, 可以meet番個schedule la!!

I like Crepe (2)

講起我好like既Crepe, 之前曾經去過一間係中環士丹頓街既法式小食店(真係好小, 只係有幾張枱)食過一次, 我揀左一個咸 既Crepe(有 cheese), 係好美味架! 大家有興趣都可以去試下, 不過價錢就有0的貴! 除左Crepe之外, 佢既Mocha都係十分咁掂架! 諗去都想再飲多次呀!!

令人回味既Mocha

Yummy Crepes ^O^

I like Crepe!

8/7/07

美好的星期天, 有美味的Sausage and Egg Crepe 作早點, 好滿足呀!

070707

07年7月7日參與了一個特別的活動 - 中學十週年聚會!

近期身邊經常都聽到慶祝"十週年", 好似回歸十週年, JCRC (之前做既Centre) 十週年。其實唔經唔覺中學畢業(F.5)都已經十週年! 今次得到好有心既同學仔做召集人, 發起呢個咁難得既活動。

當日返到中學既Tuck Shop, 見到有某啲同學都覺得有點陌生, 始終都冇見成十年, 即時大家都不斷係腦中搜索對方既名字, 呢種感覺好得意。(另外好強烈既感覺就係我啲記性差左, 好多同學仔都忘記左...) 有一部份同學就冇乜點變, 當然有一樣嘢就係肯定既, 就係大家都識得打扮左!
冇見咁耐, 大家都忙住係度互相了解近況同係度勁影相, 所以時間過得好快!
特別鳴謝Juli同其他同學細心既安排令呢個活動可以成功舉行, 唔知十年後會唔會再有廿週年慶祝聚會呢??

精美的記念咭及Polaroid合照

穩陣 Vs 變化

昨天第一次開"小朋友組", 總括黎講可以用一個字黎形容, 就係"亂"。歸根究底都係因為經驗不足, 又準備得唔夠充足, 幸好有位有經驗既同事幫手先冇咁"lei hea"。小組完左之後佢仲俾左幾個好建議我, 希望下一節會有進步啦! 不過每開一次組, 事前同事後功夫夾埋都至少要做45分鐘, 加埋個一個鐘係咁走黎走去, 真係幾索氣! 同0的小朋友玩, 真係要好energetic先得, 睇黎我都要多多鍛鍊啦!

Today放工去左剪頭髮, 阿髮型師先生係一個好喜歡創新既人, 經常都遊說我剪得勁0的, 不過礙於我唔能夠太yeah地返工, 唯有次次都係"修修佢"就算。今次都唔例外, 結果終於成功係"穩陣"同"變化"中取得一個平衡, 叫做有0的唔同左啦! 其實每次剪完之後我都十分咁滿意的, 因為佢真係好一絲不苟, 好追求perfect 同對稱。只可惜呢個狀態只可以維持到兩日, 我一洗完頭, 就永遠都吹唔番個頭 (無奈.....), 相信呢0的就係功力啦! 當佢知道左我既"真正身份"既時候, 仲好認真咁問左我好多問題, 好好笑!

鬧市中的綠洲

下午到了香港動植物公園一遊, 我諗我上一次去呢個地方, 可能係接近廿年前既事啦! 其實隔左咁耐, 都已經冇乜記憶lu, (唔知0的動物係咪都已經唔同晒??) 所以今次舊地重遊, 都覺得好有新鮮感!

雖然公園身處係高樓大廈既中間, 但係身在其中有都有一種好寧靜既感覺, 好慶幸係繁華既鬧市中都可以搵到一片綠! 行完一圈, 印象最深既就係有黑白橫間既環尾狐猴, 猴媽媽會"咩"住猴BB周圍走, 0的猴BB細細隻好可愛! 希望天氣涼0的既時候可以去多0的郊遊啦!

離開既時候途經香港公園, 可惜荷花仲未開, 同佢地緣慳一面......

公園附近的聖母敎堂

公園內的噴水池

環尾猴母子

萬歲龍虎榜!?!?

做左成個星期，今日終於有機會同老細＆我既社工拍擋一齊出去食餐飯（之前幾日都係食外賣飯盒......佢地又成日唔係office），其實發起今次飯局係因為同事知道左我同另外既一個同事既生日只係差一日, 所以好有心咁幫我地兩個慶祝下。

我地一班人去左飲茶, 大家好開心食到飽後, 到埋單既時候, 各同事二話不說好齊心好一致咁表示要由某位同事 (但唔係老細喎?!) 找數, (係連老細都強烈咁堅持要由個位同事俾錢!) 不過話說呢位同事其實除左佢本身既職位之外, 仲係我地單位"萬歲龍虎榜"既長期榜首人物, 所以大家可想而知啦.......其他同事一得閒就喜歡屈下佢, 我諗佢都"萬歲"左唔少次, 真係都戥佢可憐呀!
冇計啦, 怪就只怪呢位同事太"林善"啦, 又唔反抗, 所以呢個榜首位置都睇怕冇人可以同佢爭啦.....

到左下午既時段, 又有人萬歲喎, 所以今日我都係繼續好有口福架......嘻嘻~~
但係相信我好快都會係呢個榜上留名, 因為係我返工既第一日, 老細已經話佢地既規矩係新同事要萬歲既, 所我都有心理準備架啦!

放左工後同大學同學去左CWB一間Cafe 食dinner, 之後行左一陣, 抑壓左好耐既購物慾終於爆發啦, 結果就買左一隻睇中左好耐既手鐲.....行完後又去左食甜品喎!

(睇到呢度, 大家會係度諗啦: 你今日真係由朝食到晚喎!! ／ 你咁食法唔肥先奇!／你呢個係咪飲食blog?)

結論: 嗱, 係呢個單位度做, 係忙極都唔會瘦既.....嗚嗚...

新開始

其實大大話話諗住寫blog都諗左一兩年, blog都開左幾個, 都未正式寫過一篇......真係慚愧。呢排係各位朋友既鼓勵同鼓吹下, 終於都"的"起心肝開始寫......希望呢股熱情唔會咁快冷卻啦！

呢個月對我黎講，最大既轉變，就係要離開共事左幾年, 好supportive既同事同protective 既環境。初初要過一個人既日子真係有少少唔慣，仲要做自已冇乜經驗既field, 真係幾challenging, 好彩新centre既同事都好nice，仲幾玩得，所以呢個星期都過得幾愉快。

P.S. 最後要多謝各方好友send SMS/MSN msg 俾我 & 同我食飯慶祝，今個月真係好有口福呀！

收到了精美的音樂生日咭 ^O^

仲有美味既Pizza 同甜品 Yummy......yummy ^O^